રૂમઝુમ કરતું આવ્યું નવું સાલ!

એમ તો સમગ્ર વિશ્ર્વમાં નવું વર્ષ અલગ અલગ દિવસોએ ઉજવવામાં આવે છે અને ભારતના વિવિધ ક્ષેત્રોમાં પણ નવા વર્ષની શરૂઆત અલગ અલગ રીતે ઉજવાય છે. પરંતુ અંગ્રેજી કેલેન્ડર અનુસાર 1લી જાન્યુઆરીથી નવા વર્ષની શરૂઆત થાય છે કારણ કે 31મી ડિસેમ્બરે એક વર્ષનો અંત પછી 1 જાન્યુઆરીથી નવા અંગ્રેજી કેલેન્ડર વર્ષનો પ્રારંભ થાય છે. તેથી આ દિવસમાં આખી દુનિયામાં નવું વર્ષ શરૂ થયું એ ઉપલક્ષમાં એક તહેવારની જેમ ઉજવાય છે.
કારણ કે નવા વર્ષની શરૂઆત થાય છે એટલે નવી આશાઓ, નવા સ્વપ્નો, નવા લક્ષ્યાંક, નવા આઈડિયાઝ સાથે આપણે નવા વર્ષનું સ્વાગત કરીએ છીએ. નવું વર્ષ ઉજવવાની માન્યતા પાછળ કારણ એ છે કે વર્ષનો પહેલો દિવસ જો ઉત્સાહ અને આનંદ સાથે ઉજવાય તો આખું વર્ષ અને આનંદમાં જાય છે.
જોકે હિન્દુ પંચાંગ મુજબ નવું વર્ષ 1લી જાન્યુઆરીથી શરૂ થતું નથી પરંતુ દિવાળીના નવા વર્ષ પછી હિન્દુ કેલેન્ડર બદલાય છે. પરંતુ 1લી જાન્યુઆરીએ દુનિયાના બધાજ ધર્મો એક થઈ નવા વર્ષની ઉજવણી કરે છે. 31મી ડિસેમ્બરના રોજથી ઘણા સ્થળોએ જુદા જુદા જૂથોમાં ભેગા થઈને લોકો નવા વર્ષની ઉજવણી કરે છે. ગલીઓમાં જૂનું વર્ષના હિસાબે બુઢ્ઢો બનાવવામાં આવે છે અને અલગ અલગ શેરીઓમાં જૂના વર્ષ તરીકે તેને સજાવવામાં આવે છે અને રાત્રે 12 વાગે છે તેને સળગાવી વિદાય આપવામાં આવે છે. બધા એક બીજાને નવા વર્ષની શુભકામનાઓ આપે છે.
નવું વર્ષ એક નવું પ્રારંભ બતાવે છે અને હંમેશા આગળ વધવાનું શીખે છે. જૂના વર્ષમાં આપણે જે પણ કર્યું શીખ્યા, સફળ અથવા નિષ્ફળ થયા તે ભુલી જઈ એક નવી આશા સાથે આગળ વધીએ છીએ. જે રીતે વૃદ્ધ વર્ષનું સમાપન થાય છે તેનું દુ:ખ નહીં મનાવતા આપણે નવા વર્ષનું સ્વાગત મોટા ઉત્સાહ અને આનંદ સાથે કરીએ છીએ, તે જ રીતે જીવનમાં પણ વીતી ગયા સમયના દુ:ખને વળગી નહીં રહેવું જોઈએ તેના બદલે નવા સમયનું સ્વાગત કરવું જોઈએ. નવા વિચારો નવી આશાઓે નવી અપેક્ષાઓની તક મળશે અને તેમના દ્વારા જીવનને વધુ સારું બનાવવા પ્રયાસ કરો.
નવા વર્ષની ખુશીમાં ઘણા સ્થળોએ પાર્ટી યોજાય છે જેમાં નૃત્ય-ગીત અને સ્વાદિષ્ટ વાનગીઓ સાથે સાથે રમૂજી રમતો દ્વારા મનોરંજન કરવામાં આવે છે. કેટલાક લોકો ધાર્મિક કાર્યક્રમોનું આયોજન કરે છે અને ભગવાનને યાદ આવે છે, અને આ રીતે નવા વર્ષની શરુઆત કરે છે.