ઈરાનનું અર્દકાન શહેર યુનેસ્કોના દરજ્જા માટે નામાંકિત

અર્દકાન, અર્દકાન કાઉન્ટીની રાજધાની અને ઈરાનના યઝદ પ્રાંતના બીજા મોટા શહેર, સભ્યપદ માટે અરજી કરી છે અને યુનેસ્કો ગ્લોબલ નેટવર્ક ઓફ લર્નિંગ સિટીઝમાં નામાંકિત થયા છે. યઝદથી 60 કિમી દૂર સ્થિત અર્દકાનનું ઐતિહાસિક શહેર, ઈરાનના ઝોરાસ્ટ્રિયન કેન્દ્રોમાંનું એક છે, જે શરીફ-આબાદ ગામમાં ઝોરાસ્ટ્રિયનો માટે અસંખ્ય પવિત્ર સ્થળોનું ઘર છે. સમૃદ્ધ સાંસ્કૃતિક, સ્થાપત્ય અને સામાજિક-આર્થિક વારસાને કારણે ઈરાનના રણના રત્ન ગણાતા અર્દકાનની સ્થાપના 12મી સદીમાં ઝરદુગ પ્રદેશમાં થઈ હતી.

દર ઉનાળામાં, વિશ્ર્વભરમાંથી હજારો ઝોરાસ્ટ્રિયનો અહીં તીર્થયાત્રા માટે ભેગા થાય છે. પીર શાહ એશતાદ ઇઝાદ, પીર શાહ તેશ્તાર ઇઝાદ, પીર શાહ મેહર ઇઝાદ અને પીર શાહ મોરાદ સહિતના અન્ય મંદિરો સાથે પીર-એ-સબ્ઝ ફાયર ટેમ્પલ (ચક ચક) સૌથી મહત્વપૂર્ણ ફાયર ટેમ્પલ છે. પીર-એ સબઝ ફાયર ટેમ્પલ નીચાણવાળા પર્વતોની સ્કર્ટ પર સ્થિત છે. તેના ઐતિહાસિક મહત્વ ઉપરાંત, અર્દકાન સુંદર કાર્પેટ, માટીકામ અને કાપડના ઉત્પાદન માટે પણ પ્રખ્યાત છે.